Deprecated: Array and string offset access syntax with curly braces is deprecated in /home/zaisazwz/public_html/engine/classes/templates.class.php on line 243 Zaisantv.mn https://zaisantv.mn/ ru Zaisantv.mn DataLife Engine 50 кг жин хаясан бүсгүйн тураах зөвлөгөө https://zaisantv.mn/index.php?newsid=1252 https://zaisantv.mn/index.php?newsid=1252 Хичнээн жин хасахыг хүсэвч санаснаар болохгүй үе бий. Тэр нь ердөө өөрт тохирох аргаа олоогүйтэй л холбоотой юм. Хүн бүрийн биеийн онцлог өөр учраас турах арга ч гэсэн өөр байж болно. Гэхдээ хүн бүрт тохирох нэг арга бол дасгал хөдөлгөөн юм шүү. Өнөөдөр бид та бүхэндээ дасгал хөдөлгөөн, эрүүл хооллолтын ачаар 50 кг жинг хасч чадсан бахархам бүсгүйн зөвлөгөөг хүргэхээр бэлтгэлээ. Ингээд мэдээллийн дэлгэрэнгүйг сонирхьё.Доорх дасгалуудыг хийхдээ амьсгалаа зөв хуваарилах хэрэгтэй бөгөөд 6 цагаас хойш хүнд хоол идэж болохгүй аж. Мөн хооллосныхоо дараа 15-20 минут эрүүл агаарт алхах, хөнгөн дээс эргүүлэх, хэрэгтэй байна. Хамгийн чухал нь өлсөж болохгүй бөгөөд жимс жимсгэнэ, самар, тэжээллэг хүнсний ногоог хэрэглэвэл ядарч сульдахгүй давуу талтай.  Өдөр бүрийнхээ уух шингэнийг нэмэгдүүлж, эрч хүчтэй байгаарай. Амжилт хүсье.
 
Түүнийг Шанна Фикера (Shanna Fichera) гэдэг бөгөөд 107 кг жинтэй байсан бөгөөд эцэж цуцашгүй хөдөлмөрийн үр дүнд өдгөө 55 кг жинтэй болж, өөрийгөө ялан дийлж чадсан юм. Тэрээр эрүүл хооллолт, дасгал хөдөлгөөнийг эрхэмлэсэн төдийгүй маш энгийн дасгалуудыг хийсний үр дүнд цоо шинэ нэгэн болж чаджээ. Ингээд та бүхэндээ түүний санал болгосон дасгалуудыг танилцуулъя. 

1. Гүүр

Дээш харж хэвтэх байрлалыг авч, хоёр хөлөө нугална. Энэ байрлалаас гуя хэсгээ дээш өргөж, 2 секунд барих аж. Тус дасгалыг 10 удаа хийж, 20 секунд амрах давтамжаар 5 хийхэд болно. Үүнийг тогтмол хийснээр гуяны ар талын булчин чангарч, өгзөг унжихаас сэргийлнэ.

2. Хөлөө өргөх

Та эгц дээш харж хэвтэн, тайван амьсгал. Одоо харин хөлнүүдээ ээлжлэн дээш тултал нь өргөн 2-3 секунд байрлалаа хадгалаарай. Энэхүү дасгалыг та орондоо хэвтэж байхдаа ч хийж болох тул цаг завыг тань хумслахгүй аж. 

3. Өгзөгний булчин чангалах

Хэрэв таны нуруу өвддөг бол, нурууны өвчтэй бол тус дасгалыг хийхгүй байх нь дээр. Та орон дээрээ доош харж хэвтэн, хоёр гараа чигээр нь унжуулж тавих хэрэгтэй. Харин дараа нь хөлөө ээлж ээлжээр дээш өргөж, булчингаа чангарч байгааг мэдрээрэй. Мөн та хөлөө дээш өргөж, 3-4 секунд байрлалаа хадгалах бөгөөд 20 удаагийн давтамжтайгаар хангалттай гэж үзэх хүртлээ хийгээрэй. Тус дасгал өгзөгний булчинг чангалж, таныг төгс сайхан өгзөгтэй болоход онцгой нөлөө үзүүлнэ. 

4. Хэвлий, гар, цээж, нурууны хосолсон дасгал

Доошоо харж хэвтээд, шалан дээр гарын тохойгоор тулан, өлмийгөө өргөх хэрэгтэй. Энэ үед нуруу цэх, хөл шулуун байх хэрэгтэйг санаарай. Байрлалаа 3-5 секунд орчимтой барьж, 10-15 удаагийн дамтамжтай хийх хэрэгтэй. Энэ нь хэвлий, гарны булчинг чангалж, биеийг өв тэгш болоход чухал үүрэг гүйцэтгэнэ.

5. Хэвлий, гуяны булчин чангалах

Танд дасгалын бөмбөг байхгүй бол дэрээ орлуулан ашиглаж болно. Дээш харж хэвтэн хоёр хөлөө дээш өргөнө. Харин өргөсөн хөлөндөө дэрээ хавчуулж өгөх бөгөөд байрлалаа 10 секунд хадгалсны эцэст доош буулгаарай. Тус дасгалыг та 20 удаа давтаж хийснээр үр дүнгээ өгөх аж. Дэртэй дасгалыг тогтмол хийж заншсанаар хэвлийн булчин чангарахаас гадна гуяны илүүдэл өөхийг хайлуулах шидтэй. 

6. Суниах

Орон дээрээ хэвтэнгээ суниах нь газар суниахаас хэцүү тул таниас илүүтэй эрч хүч, тэвчээрийг шаардах аж. Та доош харж, гар дээрээ хамаг хүчээ төвлөрүүлж, байрлалаа эзлээрэй. Дараа нь гар дээр суниаж, доош болж, хэдэн секунд байрлалаа хадгалсны эцэст суниалтаа үргэлжлүүлээрэй. 

7. Гар дээр тогтох

Доош харан, гар дээрээ тогтож, суниах байрлал аваарай. Харин тус байрлалаа аль болох удаан хадгалж, тогтох хэрэгтэй. Ингэснээр гар болоод хэвлийн булчин чангарч, илүүдэл өөхийг хайлуулах тустай байна. 

8. Гэдэсний таталт

Та дээш харж хэвтэн дасгалын байрлалыг эзлээрэй. Дараа нь толгой дороо гараа тавьж, цээж хэсгээ дээш өргөнө. Тус дасгалыг 20 удаа хийх бөгөөд ингэснээр хэвлийн хэсгийн булчин чангарч, нуруунд ч эмчилгээ болж өгдөг. Та үүнийг орондоо хэвтэж байхдаа ч хийж болох юм. 

9. Хайчин байрлал


Энэхүү дасгал нь хэвлийн булчинг эрчимтэй чангалж, илүүдэл өөх, сул махыг хормын дотор багасгах болно. Дээшээ харж хэвтээд, хоёр гараа шилэн хүзүүний ард аваачина. Үүний дараа хөл гараа эсрэг чиглэлд байхаар толгойн харалдаа татаж, 2-3 удаагийн давтамжтай, 15-20 удаа хийгээрэй.  

10. Царцаа байрлал

Тус дасгалыг орондоо хэвтэж байхдаа хийвэл тун ч сайхан тохирно. Та доош харж хэвтэн, хөл, гар, толгойгоо зэрэг дээш өргөж, байрлалаа аль болох удаан хадгалаарай. Энэ нь биеийн бүхий л хэсэгт онцгой нөлөө үзүүлэх бөгөөд биед тайвшрал олгож, булчингуудыг чангалж өгдөг байна. 

11. Гуяны булчин чангалах

Өргөн резин ашиглан тус дасгалыг хийх боломжтой. Өвдөг хэсэгтээ резинийг хийж, хажуу тийш харж хэвтээрэй. Ингэхдээ нэг гараараа газар тулбал зохилтой. Харин одоо та хоёр өвдгөө салгаж, аль болох дээш өргөхийг хичээгээрэй. Тус дасгалыг 20 удаагийн давтамжтайгаар хийнэ. 

12. Хайчан дасгал

Та зүгээр зурагт үзэн орондоо хэвтэж байхдаа ч тус дасгалыг хийж болно. Хажуу талаараа харж хэвтэн, толгойгоо гараараа тулаарай. Харин дараа нь хөлөө дээш өргөж, дасгалаа хийнэ. Та тус дасгалыг хоёр хөл дээрээ ээлжлэн, хүссэн тоогоор хийх хэрэгтэй. 

13. Кобра дасгал

Дээш харж хэвтэн цээж хэсгээ аль болох хойш сунган, татаж өгөөрэй. Энэ нь нэг төрлийн иогийн дасгал бөгөөд биеийг тань уян хатан, сул чөлөөтэй болгож өгөх нөлөөтэй аж. Та байрлалаа чадах чинээгээрээ удаан хадгалж өгвөл зохилтой. 

14. Хөлөө эргүүлэх

Та орой орондоо орж унтахаасаа өмнө тус дасгалыг хийж заншаарай. Ингэхдээ дээш харж хэвтэн, хөлөө дээш өргөнө. Дараа нь хөлөө шагайгаар нь эргүүлж, алжаалыг нь тайлж өгөөрэй. Тус дасгал нь хөлийг тань амраагаад зогсохгүй хэвлийн хэсгийн булчинг давхар чангалж байдаг юм. 

15. Байрлалаа хадгалах

Хажуу тийш харж хэвтэн, нэг гараа нугалж, түүн дээр биеийн ачааллаа өгч, биеэ газраас хөндийрүүлээрэй. Мэдээж тус байрлалыг удаан хадгална гэдэг бэрх боловч шүд зуун тэвчээд үзээрэй. Аль болох удаан байрлалаа хадгалах нь чухал бөгөөд та хийх бүрдээ хугацаагаа уртасгаж байгаарай.]]> secret0721 Sat, 21 Dec 2024 20:27:38 +0800 Иргэдийн дийлэнх нь Тэрэлж, “Скай ресорт” чиглэлд агаарт гарах санал өглөө https://zaisantv.mn/index.php?newsid=1251 https://zaisantv.mn/index.php?newsid=1251 НИТХ болон НЗДТГ сурагчдын амралт эхэлж буйтай холбогдуулан иргэдийг агаарт гарах боломж нөхцөлийг бүрдүүлж ажиллаж байна. Энэ хүрээнд иргэдийг цэвэр агаарт цагийг ая тухтай өнгөрөөх амралт, жуулчны баазууд руу хүргэх нийтийн тээврийн тусгай маршрут гаргах талаар олон нийтийн дунд цахимаар санал асуулга явууллаа. Санал асуулгад оролцсон иргэдийн дийлэнх нь Тэрэлж болон Скай ресорт руу гэр бүлээрээ агаарт гарах хүсэлтэй байгаагаа илэрхийлсэн байна.  Харин  автобусны үнийн хувьд 1000 төгрөг байх, автобусны цагийг 10:00-11:00 байх нь зөв гэж судалгаанд оролцсон иргэд дэмжжээ.  Санал асуулгатай холбогдуулан  энэ бямба гариг буюу 12-р сарын 21-ний өдрөөс дээрх хоёр чиглэлд автобус гаргахаар төлөвлөж байна.
 

 


]]> secret0721 Wed, 18 Dec 2024 22:18:35 +0800 Сэтгүүлч Н.Өнөрцэцэг Дээд шүүхэд гомдол гаргажээ https://zaisantv.mn/index.php?newsid=1250 https://zaisantv.mn/index.php?newsid=1250 Т.САЙХАН
Сэтгүүлч Н.Өнөрцэцэгт холбогдох давж заалдах шатны шүүх хурал өнгөрсөн сарын 7-ны өдөр болж тус шүүхээс анхан шатны шүүхийн шийдвэрийг хэвээр үлдээсэн.
2024 оны долоодугаар сард Сүхбаатар дүүргийн Эрүүгийн хэргийн анхан шатны шүүх хаалттай хуралдаж, сэтгүүлч Н.Өнөрцэцэгт дөрвөн жил есөн сарын хорих ял оноосон билээ. Түүнийг худал мэдээлэл тараасан, хувь хүний нууц задруулсан, татвараас зайлсхийсэн, төрийн нууц хадгалсан зэрэг хэрэгт буруутгасан юм. Давж заалдах шатны шүүхийн шийдвэрийг Н.Өнөрцэцэг болон түүний өмгөөлөгчид эс зөвшөөрсөн тул Улсын дээд шүүхэд гомдол гаргалаа. Эргэн сануулахад, анхан болон давж заалдах шатны шүүх хурлыг нээлттэй явуулах хүсэлтийг сэтгүүлч Н.Өнөрцэцэг болон түүний өмгөөлөгчдийн зүгээс гаргаж байсан юм.
Нээлттэй явуулах хүсэлтээ илэрхийлэн Н.Өнөрцэцэг Цагдан хорих 461 дүгээр ангид хоригдож байхдаа өлсгөлөн зарлаж, ар гэрийнхэн нь хэлмэгдэгсдийн хөшөөний гадаа хоёр өдрийн турш суулт зарлаж байсан. Гэвч шүүх хурлыг хаалттай явуулсан юм. Н.Өнөрцэцэгийн өмгөөлөгчид шүүхийн шийдвэртэй санал нийлэхгүй байгаа гэдгээ давж заалдах шатны шүүхийн дараа илэрхийлж байсан билээ.


]]> secret0721 Wed, 18 Dec 2024 22:14:31 +0800 Х.Нямбаатар: Зуух шинэчлэх ажлыг зогсоохгүй, төсөв нь батлагдсан https://zaisantv.mn/index.php?newsid=1249 https://zaisantv.mn/index.php?newsid=1249 Т.САЙХАН
Хотын дарга Х.Нямбаатар нийслэлийн утаа болон бусад асуудлаар өнөөдөр /12.18/ мэдээлэл хийлээ.
Тэрээр "Нийслэлийн агаарын бохирдолд нөлөөлж байгаа 60 мянган айл байна. Мөн 84400 айлын зуухыг шинэчлэх нэн шаардлагатай. Сүүлийн үед гарсан угааржилтын шалтгаан эдгээр шаардлага хангаагүй зуухаас болсон. Сайжруулсан түлшний чанарын тухай тоо баримт хэлэхгүй. Мэргэжлийн байгууллагын дүгнэлттэй танилцах байх. Агаарын бохирдолтой тэмцэхэд иргэд, эдгээр зуухтай айлууд хамтарч ажиллах хэрэгтэй байна.Өнгөрсөн жил зуух шинэчлэх талаар ажил төлөвлөгдөж байсан ч нийгмийн сүлжээний эсэргүүцлээс болоод больсон. Энэ жил мөн нийгмийн сүлжээнд олон хүн эсэргүүцэж байна. Гэхдээ үүнээс болж зуух шинэчлэх ажлыг зогсоохгүй. Төсөв батлагдсан байгаа. Түүнчлэн хотын удирдлагын багаас яндангүй бүсийг зарлана. Ирэх гуравдугаар сард багтааж 20 мянган айлыг хийн түлштэй холбох ажлыг эхлүүлж, арваннэгдүгээр сард багтааж 20 мянган айлын хийн түлшинд шилжүүлнэ. Ингэхдээ нийслэлийн хөрөнгөөр дотор тоноглолтой нь хийнэ гэв.  Мөн тэрээр "Татвар төлөгчдийн мөнгөөр хэсэг бүлэг айлын зуух солих төрийн хийх ёстой ажил мөн үү? гэх сэтгүүлчдийн асуултад "84 мянган зуух салаад унах гэж байна. Хэрвээ тэгвэл илүү л олон хүн үхнэ шүү дээ. Өөрөө хариуцаж байгаа ажлаа би өөрөө мэдээд хийе. Эсвэл олон нийтийн санал асуулга аваад больё" хэмээх хариулт өглөө.
Эх сурвалж:www.polit.mn ]]> secret0721 Wed, 18 Dec 2024 22:13:07 +0800 Х.Нямбаатар: Зуух шинэчлэх ажлыг зогсоохгүй, төсөв нь батлагдсан https://zaisantv.mn/index.php?newsid=1248 https://zaisantv.mn/index.php?newsid=1248 Т.САЙХАН
Хотын дарга Х.Нямбаатар нийслэлийн утаа болон бусад асуудлаар өнөөдөр /12.18/ мэдээлэл хийлээ.
Тэрээр "Нийслэлийн агаарын бохирдолд нөлөөлж байгаа 60 мянган айл байна. Мөн 84400 айлын зуухыг шинэчлэх нэн шаардлагатай. Сүүлийн үед гарсан угааржилтын шалтгаан эдгээр шаардлага хангаагүй зуухаас болсон. Сайжруулсан түлшний чанарын тухай тоо баримт хэлэхгүй. Мэргэжлийн байгууллагын дүгнэлттэй танилцах байх. Агаарын бохирдолтой тэмцэхэд иргэд, эдгээр зуухтай айлууд хамтарч ажиллах хэрэгтэй байна.Өнгөрсөн жил зуух шинэчлэх талаар ажил төлөвлөгдөж байсан ч нийгмийн сүлжээний эсэргүүцлээс болоод больсон. Энэ жил мөн нийгмийн сүлжээнд олон хүн эсэргүүцэж байна. Гэхдээ үүнээс болж зуух шинэчлэх ажлыг зогсоохгүй. Төсөв батлагдсан байгаа. Түүнчлэн хотын удирдлагын багаас яндангүй бүсийг зарлана. Ирэх гуравдугаар сард багтааж 20 мянган айлыг хийн түлштэй холбох ажлыг эхлүүлж, арваннэгдүгээр сард багтааж 20 мянган айлын хийн түлшинд шилжүүлнэ. Ингэхдээ нийслэлийн хөрөнгөөр дотор тоноглолтой нь хийнэ гэв.  Мөн тэрээр "Татвар төлөгчдийн мөнгөөр хэсэг бүлэг айлын зуух солих төрийн хийх ёстой ажил мөн үү? гэх сэтгүүлчдийн асуултад "84 мянган зуух салаад унах гэж байна. Хэрвээ тэгвэл илүү л олон хүн үхнэ шүү дээ. Өөрөө хариуцаж байгаа ажлаа би өөрөө мэдээд хийе. Эсвэл олон нийтийн санал асуулга аваад больё" хэмээх хариулт өглөө.
Эх сурвалж:www.polit.mn ]]> secret0721 Wed, 18 Dec 2024 22:13:07 +0800 Т.Дүүрэнгийн холбогдсон хэрэгт улстөрчид холбоотой юу https://zaisantv.mn/index.php?newsid=1247 https://zaisantv.mn/index.php?newsid=1247 Б.БАЯР
 
МҮХАҮТ-ын ерөнхийлөгчийн сонгууль 2024 оны арваннэгдүгээр сарын 28-нд болсон. Түүний өмнөхөн бөөн явдал өрнөсөн. Хамгийн дуулиантай нь МҮХАҮТ-ын гүйцэтгэх захирал Т.Дүүрэнг АТГ-аас баривчилсан явдал байв. Түүнийг нэг сарын хугацаатай цагдан хорьсон. Тэр нь талдаа орж байна. Т.Дүүрэнгийн тухайд БОАЖ-ын сайдын зөвлөх байхдаа сайдынхаа оролцоотой томоохон тендерийн будилаанд оролцсон тухай эх сурвалжууд мэдээлсэн. Н.Цэрэнбат нь сайд байхдаа албан үүрэг, бүрэн эрхий байдлаа урвуулан ашиглаж “Гэр хорооллын ариун цэврийн байгууламжийн лаг, хог хаягдлыг байгальд ээлтэй аргаар шатааж, устгах туршилтын төслийн хэрэгжүүлэх үйлдвэрийн тоног төхөөрөмж худалдан авах” 3.5 тэрбум төгрөгийн гэрээг хуульд заасан шаардлага нөхцөл хангахгүй ХБНГУ-ын нэгэн компанитай байгуулсан. Үүний улмаас Монгол Улсад 2.1 тэрбум төгрөгийн хохирол учирсан. Ийм хэрэгт шалгагдаж байгаа аж. Түүний зөвлөх байсан Т.Дүүрэн уг хэрэгт холбогдсон. Тэрээр “…Хууль бусаар бусдад нөлөөлж улсад их хэмжээний хохирол учруулсан” гэх хэрэгт яллагдагчаар татагдсан байна.
Түүнчлэн “Эрдэнэт үйлдвэр”-ийн бас нэг том дүнтэй тендерийн асуудал яригдсан. Тодруулбал,  МҮХАҮТ-ын зарим удирдлагын оролцоотой 2020 оны дөрөвдүгээр сарын 29-нд үүсгэн байгуулагдсан нэр бүхий компани “Эрдэнэт үйлдвэр”-ээс 120 тэрбум төгрөгийн тендер авсан. Тэр мөнгөнөөс захирал П рүү нь 24 тэрбум, нягтлан бодогч Ц руу нь 15 тэрбум төгрөг нь очиж, МҮХАҮТ-ын нэг удирдлагын хувийн компани руу 500 сая төгрөг “…Зээл” хэмээн шилжжээ.
Тэгвэл мөрдөн шалгах ажиллагаагаар “Эрдэнэт үйлдвэр”-ээс тендер авсан асуудлынх нь оролцогчид улам нэмэгдсээр байгаа аж. Улстөрчдөөр хүрээгээ тэлж байгаа гэх эх сурвалжийн мэдээлэл байна. Ер нь бол энэ гэрээний асуудал МҮХАҮТ-аас гадна дээр хэлсэнчлэн нэр бүхий томоохон улстөрч, бас “Эрдэнэт үйлдвэр”-ийн удирдах албан тушаалтан, “К” компанийн захирал нарын түншлэл гээд өргөжих хандлагатай болжээ.
Үүнээс гадна, энэхүү “Эрдэнэт үйлдвэр”-ээс 120 тэрбумын гэрээ авч чадсан мөнөөх компани руу МҮХАҮТ-ын данснаас 2022 оны арванхоёрдугаар сард 2 сая ам.доллар шилжсэн байж болзошгүй байна.
Эх сурвалж: “Зууны мэдээ” сонин


]]> secret0721 Wed, 18 Dec 2024 19:00:29 +0800 Улаанбаатарын утаа бол улс төр, бизнесийн бүлэглэлүүдийн хамтын бүтээл юм https://zaisantv.mn/index.php?newsid=1246 https://zaisantv.mn/index.php?newsid=1246 Утааны сонсголыг Б.Энхбаяр шиг удирдахгүй бол “утаа” болоод л замхарна-
Б.ГАРЬД
Улаанбаатарын утаагаар УИХ сонсгол хийнэ. Тийм эрх зүйн үндэслэл бүрдсэн. Улаанбаатарын утааны сонсголыг зохион байгуулах талаар иргэн Б.Мөнгөнхишиг нийтийн өргөдлийн “Д-Өргөдөл” цахим системд 2024 оны арваннэгдүгээр сарын 25-нд өргөдөл санаачилж, иргэдээс гарын үсэг цуглуулж эхэлсэн. Дэмжиж санал өгсөн иргэдийн тоо энэ сарын 6 гэхэд 70 мянга давсан. Тиймээс УИХ-ын дарга Д.Амарбаясгалан Улаанбаатарын утааны сонсголыг зохион байгуулах ажлыг БОХААБХ-нд даалгасан. Энэ дагуу “...Сонсголыг хэн удирдаж, ямар чиг баримжаатай хийх вэ” гэдгийг маргаашийн БОХАА-н Байнгын хороогоор ярьж эхлэх төлөвтэй байна. Түүгээр сонсголын товыг тогтооно. Тэгэхээр тус сонсгол болох нь нэгэнт тодорхой болсон гэсэн үг. Харин сонсголыг хэн даргалах нь одоогоор тодорхойгүй байгаа юм.
Ер нь бол “…Сонсгол хэн даргалж, зохион байгуулж байна вэ” гэдэг хамгийн чухал юм. Өмнөх УИХ-ын үед Хөгжлийн банкны зээл хуй, нүүрсний хулгай, ногоон автобусны асуудлаар сонсголуудыг зохион байгуулж байв. Эднээс “…Хөгжлийн банк, нүүрсний хулгайн сонсголууд үр дүнтэй болсон” гэж үздэг. Хэдийгээр хууль хяналтын байгууллагад шилжүүлсэн баримт нотолгоонуудын дагуу эцсийн буруутнууд төгс тогтоогдоогүй ч сонсгол нь тэднийг илрүүлж, олон нийтийн анхааралд аваачиж чадсан. Хөгжлийн банкны зээлүүд, нүүрс тойрсон асуудлуудад хулгай нүүрлэсэн нь тодорхой болсон. Сонсголын зорилго нь ч энэ юм. Эдгээр “…Үр дүнд хүрсэн” гээд байгаа сонсголуудыг УИХ-ын гишүүн Б.Энхбаяр удирдаж зохион байгуулсан байдаг. Тэр утгаараа одоо энэ Улаанбаатарын утааны сонсголыг ч Б.Энхбаяраар, тэр болохгүй бол Б.Энхбаяр шиг зохион байгуулах хэрэгтэй юм.
Учир нь Улаанбаатарын утааны сонсголоор хоёр том асуудал ил болох учиртай.
Нэгдүгээрт, өнгөрсөн жилүүдэд Улаанбаатарын утааны эсрэг зарцуулагдсан төсөв хөрөнгийн зарцуулалтыг ил болгох ёстой.
Хоёрдугаарт, тэр их төсөв мөнгийг зарцуулчихаад өнөөдөр ийм байдалд хүрсэн утааны эсрэг үйлчлүүлж байгаа сайжруулсан шахмал түлш, утаагүй зуух зэрэг “хэрэгсэл”-үүдийн чанарыг тогтоох хэрэгтэй.
Ерөнхийдөө утаагаа энэ хоёр талаас нь ил тод “сонсож” чадвал гарцаа хайхад том алхам болно.
Гэхдээ Улаанбаатарын утааны сонсгол бараг л нүүрсний хулгайнхтай ижилхэн хүндрэлүүдтэй тулна. Учир нь Улаанбаатарын утаа бол улс төр, бизнесийнхний хамтарсан бүтээл юм. Үе үеийн тийм бүлэглэлийн эрх ашгийг хөндөнө гэсэн үг. Тэр утгаараа, тэд аюултай. Сонсголд саад болох, олны анхаарлыг өөр зүйлд хандуулахыг оролдоно. Наанадаж ингэнэ шүү.
Яагаад гэвэл, өнгөрсөн жилүүдэд Улаанбаатарын утааны эсрэг зарцуулсан гадаад, дотоодын төсөв, төслийн тоо гэхэд аманд багтахааргүй том дүнтэй. Түүний зарцуулалттай холбоотой бага сага мэдээлэл өнгөрсөн жил нүүрсний хулгайн сонсголоор ч яригдаж байсан.
Тухайлбал, тэр сонсголын үеэр “Тавантолгой түлш” ХХК-ийн санхүүжилттэй холбоотой шинжээчийн дүгнэлтэд “…Тус компанийн 51 хувийг “Эрдэнэс Тавантолгой”, 39 хувийг Эрчим хүчний яам, 10 хувийг ТӨБЗГ эзэмшдэг. 2023 оны есдүгээр сарын 30-ны өдрийн байдлаар 413.3 тэрбум төгрөгийн хөрөнгөтэй, 997.2 тэрбум төгрөгийн өртэй, 583.9 тэрбум төгрөгийн алдагдалтай байна. Тус компанид “Эрдэнэс Тавантолгой” ХК-аас 15 гэрээний хүрээнд 1.1 их наяд төгрөгийн санхүүжилтийг олгосон.
Энэ мөнгөөр ҮАБЗ-ийн 2017 оны агаарын бохирдлын бууруулах зөвлөмж, ТЕГ-ын албан бичиг, ЗГХЭГ-ын 2019 оны албан бичгийг үндэслэн 2019-2022 онд сайжруулсан шахмал түлш үйлдвэрлэх тоног төхөөрөмж, бусад бараа ажил үйлчилгээг нууцын зэрэгт хамруулж, шууд худалдан авалтуудыг хийсэн. ТУЗ-ийн гишүүд нь ингэж их хэмжээний алдагдалтай ажиллаж байгаа компаниас цалин, бусад зардалд их хэмжээний урамшуулал авдаг байсан. ТУЗ-ийн үйл ажиллагаанд 1.1 тэрбум төгрөгийн зардал гаргасан” гэсэн байдаг.
Мөн тус сонсголын үеэр “…“Тавантолгой түлш” ХХК-ийн санхүүтэй холбоотой зарим баримт материал устаж, алга болсон”,  “… “Тавантолгой түлш” ХХК-иас “Зерован” компани руу найман удаагийн гүйлгээгээр 57.6 сая төгрөг шилжүүлсэн. Тус компанийн захирал бэлэн мөнгөөр зарлагадаж, “Тавантолгой түлш” ХХК-иас ерөнхий нягтлан бодогч П.Амарцэцэгийн нөхөр Ө.Ууганбаярын Төрийн банкны хадгаламжийн данс руу шижлүүлсэн”, “Тус компанийн ТУЗ*ийн гишүүн Л.Одхүүгийн хамаарал бүхий “CBM Хангай” компани 19.6 тэрбум төгрөгөөр шуудай нийлүүлсэн” зэрэг ноцтой фактууд яригдаж байв.
Түүнчлэн 2024 оны есдүгээр сарын 2-нд Төсвийн байнгын хорооны хуралдааны үеэр Улсын ерөнхий аудитор Д.Загджав “…Сайжруулсан шахмал түлшний үйлдвэрийг санхүүжүүлэхийн тулд “Эрдэнэс Тавантолгой” ХК-иас 1.1 их наяд төгрөгийн татаас гаргуулахаар шийдвэрлэсэн. Үүнийг гэмт хэргийн шинжтэй гэж үзээд прокурорын байгууллагад шилжүүлсэн” гэж ярьсан. Энэ талаар лавласан Байнгын хорооны даргад тодруулж хэлэхдээ “…Энэ 1.1 их наяд төгрөг аудитын тайланд туссан. Гэмт хэргийн шинжтэй гэж үзсэн. Иймд Ерөнхий аудиторын хувьд прокурорын байгууллагад шилжүүлсэн” хэмээн давтаж байсан юм.
Энэ мэт хэдэн жилийн өмнөхөөс гадна хууль хяналтын байгууллагуудын саяхны хяналт шалгалт, мөрдөн байцаалтын үр дүн Улаанбаатарын утааны сонсголоор яригдана.
АТГ-ынхан энэ оны эхээр, хоёрдугаар сард “…“Тавантолгой түлш” ХХК-ийн 2019-2023 оны худалдан авах ажиллагааны төлөвлөлт, хэрэгжилтийг судлан үзэж, гэмт хэргийн шинжтэй үйлдлийг шалгуулахаар Мөрдөн шалгах хэлтэст шилжүүлэхээр тогтлоо” гэж мэдээлж байв. Түүнээс хойш арван сар өнгөрсөн байна.
БОУАӨЯ-наас Салбарын хяналтын газар, Нийслэлийн агаар орчны бохирдолтой тэмцэх газартай хамтран “Тавантолгой түлш” ХХК-ийн боловсруулах үйлдвэрийн үйл ажиллагаанд төлөвлөгөөт бус хяналт шалгалт хийсэн. Тэд “Тавантолгой түлш” ХХК-ийн Зүүн бүсийн үйлдвэр, Баруун бүсийн үйлдвэр, Төвийн бүсийн үйлдвэрүүдийн шахмал түлшний түүхий эдүүдээс дээж авч, нүүрсний завсрын бүтээгдэхүүн буюу мидлинг, орчмын агаар, хөрсийг дээжийг тус тус авч холбогдох лабораториудад хүргүүлсэн. Бас “Тавантолгой түлш” ХХК-ийн Байгаль орчинд нөлөөлөх байдлын үнэлгээгээр тавигдсан нөхцөл шаардлагыг биелүүлээгүй, тухайн жилийн байгаль орчны менежментийн төлөвлөгөөгүй, ус ашиглагчийн үүргээ хэрэгжүүлээгүй, дотоод хяналтын лабораторийн үйл ажиллагаанд химийн бодис зөвшөөрөлгүй ашиглаж байсан зэргийг ЦЕГ-ын Экологийн цагдаагийн албанд шилжүүлсэн юм. Эдгээр шинжилгээ, шалгалтын дүнг холбогдох байгууллагууд танилцуулна. Энэ мэтчилэн утаатай холбоотой олон талын мөн ч олон мэдээ факт яригдана даа. Яагаад гэхээр, Улаанбаатар хот утаатай байх нь улс төр, бизнесийн бүлэглэлүүдэд л ашигтай байсаар ирсэнтэй холбоотой юм. Тэд утаагаар мөнгө хийж, ашиг олдог. Хамгийн гунигтай нь, тэрхүү “...Утаагүй зуух”, “...Сайжруулсан шахмал түлш” гэх мэт гоё нэртэй олон арван тэрбумын бизнес нь олон жил үргэлжилсэн. Үр дүнг нь бид өнөөдөр хоолойгоо хорстол, уушгиа уухилтал үзэж сууна шүү дээ. Гэтэл “...Янданг байхгүй болгож байж л утаа алга болно” гэдэг ганцхан гарцтай. Мэргэжлийнхэн үүнийг хоолойгоо сөөтөл хэлсэн. Хэн ч тоодоггүй. Зуухаа, түлшээр шахсаар л ирсэн юм. Тэр хэрээр утаа ч улам өтгөрч, хоруу чанар нь нэмэгдсэн дээ.
Эх сурвалж: “Зууны мэдээ” сонин


]]> secret0721 Wed, 18 Dec 2024 16:30:34 +0800 УИХ-ын дарга Д.Амарбаясгалан Монгол Улс дахь НҮБ-ын Суурин зохицуулагч Тапан Мишраг хүлээн авч уулзлаа https://zaisantv.mn/index.php?newsid=1245 https://zaisantv.mn/index.php?newsid=1245
Монгол Улсын Их Хурлын дарга Д.Амарбаясгалан өнөөдөр (2024.12.04) НҮБ-ын Суурин зохицуулагч Тапан Мишраг хүлээн авч уулзан Монгол Улсын нийгэм, эдийн засаг, тогтвортой хөгжил, байгаль орчин, хүмүүнлэгийн болон энхийг дэмжих салбарын олон талт хамтын ажиллагааг өргөжүүлэн бэхжүүлэхэд ихээхэн хувь нэмэр оруулж, “Найрамдал” медалиар шагнуулсанд баяр хүргэлээ.

Монгол Улс дахь НҮБ-ын Суурин зохицуулагчийн газар нь “Тогтвортой хөгжлийн 2030 хөтөлбөр”-ийн үндэсний хэрэгжилтэд дэмжлэг болох хамтарсан төсөл, хөтөлбөр боловсруулан хэрэгжүүлэх, зохицуулах зэрэг үйл ажиллагааг Засгийн газрын зорилт, тэргүүлэх чиглэл, НҮБ-ын системийн байгууллагын зорилготой уялдуулан ажилладгаас гадна үйл ажиллагаандаа стратеги төлөвлөлт, түншлэл, хөгжлийн санхүүжилт, дата удирдлага, үр дүнгийн хяналт, тайлагналт, мэдээлэл харилцааны чиглэлийг анхаарч ажилладаггэж Улсын Их Хурлын Хэвлэл мэдээллийн газраас мэдээлэв.
]]> secret0721 Wed, 04 Dec 2024 18:00:07 +0800 Ши Жиньпин Камбожийн Ардын намын дарга Хун Сентэй хэлэлцээ хийв https://zaisantv.mn/index.php?newsid=1244 https://zaisantv.mn/index.php?newsid=1244
12-р сарын 3-нд ХКН-ын төв хорооны ерөнхий нарийн бичгийн дарга, Хятад улсын дарга Ши Жиньпин Бээжингийн Дяо Юй Тай төрийн зочид буудалд Камбожийн Ардын намын дарга, Сенатын дарга Хун Сентэй хэлэлцээ хийв.
Ши Жиньпин хэлэхдээ, Хятад, Камбожийн өнө мөнхийн найрамдалт харилцаа нь хоёр орны ард түмний нийтлэг ашиг сонирхолд бүрэн нийцэж байна. Хятад улс Камбожийг хөрш орнуудын дипломат харилцааны гол чиглэл хэмээн үзсээр ирсэн бөгөөд Камбожийн талтай хамтаар шинэ эриний өндөр чанартай, дээд түвшний, өндөр стандарт бүхий Хятад Камбожийн хувь заяаны нэгдмэл цогцыг байгуулахад бэлэн байна. Нэгд, хоёр тал бие биенээ тууштай дэмжиж, өнө мөнхийн нөхөрлөлөө бататгах ёстой. Мөн Камбожийн үндэсний бүрэн эрх, аюулгүй байдал, хөгжлийн ашиг сонирхлоо хамгаалахад Хятад улс тууштай дэмжлэг үзүүлнэ. Хоёрт, солилцоо, харилцан суралцахаа гүнзгийрүүлж, хамтын хөгжил, сэргэн мандалтыг эрэлхийлэх ёстой. Хятадын Коммунист нам Камбожийн үндэснийхээ нөхцөл байдалд тохирсон хөгжлийн замыг эрэлхийлэхэд нь туслахын тулд Камбожийн Ардын намтай стратегийн харилцаа холбоо, боловсон хүчний бэлтгэл сургалтын хамтын ажиллагаагаа эрчимжүүлэхэд бэлэн байна. Гуравт, хамтын ажиллагааны боломжуудыг ашиглан, харилцан ашигтай шинэ байдлыг нээх ёстой. Хятад улс Камбожийн талтай хамтран хувь заяаны нэгдмэл цогцын үйл ажиллагааны төлөвлөгөөний шинэ хувилбарыг хэрэгжүүлэхэд бэлэн байна. 
Ши Жиньпин цааш нь хэлэхдээ, Камбожийн олон улсын болон бүс нутгийн үйл хэрэгт илүү их үүрэг гүйцэтгэхийг Хятад улс үргэлжлүүлэн дэмжих бөгөөд АСЕАН-ы стратегийн бие даасан байдал, төвийн байр сууриа хадгалахыг дэмжиж, гадаадын хүчний хүйтэн дайны үеийн сэтгэхүйг бүс нутагт нэвтрүүлэхийг эрс эсэргүүцэж, АСЕАН-ы интеграцлал болон хамтын цогцын бүтээн байгуулалтыг тууштай дэмжинэ гэжээ.
Хун Сен хэлэхдээ, Камбож Хятадын найрамдлыг хоёр талын ахмад үеийн удирдагчид хамтран байгуулж, түүх, цаг хугацааны сорилтыг даван туулсан юм. Энэ нь Камбож Хятадын хувь заяаны нэгдмэл цогц нь хоёр талын хамтын ашиг сонирхолд нийцэж буйг харуулж байна. Камбожийн улс төр, эдийн засаг, нийгмийн хөгжилд урт хугацааны турш үнэ цэнэтэй дэмжлэг туслалцаа үзүүлсэн Хятад улсад талархаж байна. Хятад улстай нам хоорондын солилцоогоо иж бүрэн бэхжүүлж, улс төрийн харилцан итгэлцлээ гүнзгийрүүлэн, олон салбарын ажил хэрэгч хамтын ажиллагааг ахиулж, Хятад улстай олон улсын болон бүс нутгийн үйл хэрэгт зохицуулалт, хамтын ажиллагаагаа эрчимжүүлэхэд Камбож улс бэлэн байна гэжээ.
]]> secret0721 Wed, 04 Dec 2024 17:58:04 +0800 Т.Чулуун-эрдэнэ: шинэ чанарын үйлдвэрлэх хүчиийг бүс ба замын хүрээнд хэрэгжүүлэхээр байгаа юм https://zaisantv.mn/index.php?newsid=1243 https://zaisantv.mn/index.php?newsid=1243 1. Бүс ба зам Өнгөрсөн 10, 11 жилд ерөнхийдөө хатуу дэд бүтцийн бүтээн байгуулалтад их төвлөрөх шиг боллоо
Сэтгүүлч: Бүс ба зам санаачилгын өнгөрсөн 10 жилийн ололт амжилтыг хэрхэн дүгнэж байна?
Т.Чулуун-Эрдэнэ: Хятад улсын дарга Ши Жиньпиний 2013 онд дэвшүүлсэн “Бүс ба Зам” санаачилга хэрэгжиж эхлээд 10 жилээ үдээд өнгөрсөн 2023 онд зохион байгуулагдсан 3 дэх форум дээр үр дүнгээ танилцуулсан. Энэ 10 жилийн хугацаанд дэлхийн 152 улс оронтой 200 гаруй хамтын ажиллагааны баримт бичигт гарын үсэг зурсан, ер нь бол Евро-Азийг голлосон, мөн Африк, Латин Америкийг дамнасан дэлхийг дэд бүтцээр холбох томоохон бүтээн байгуулалтын ажлыг хийлээ. Өнгөрсөн 10, 11 жилд ерөнхийдөө хатуу дэд бүтцийн бүтээн байгуулалтад их төвлөрөх шиг боллоо. Жишээ нь зам гүүр, галт тэрэг, хурдны зам, боомт зэрэгт дэд бүтцэд хөрөнгө оруулалт хийсэн байна. Нийт 1 их наяд ам. долларын хөрөнгө оруулалт хийсэн гэж үзэж байгаагийн бараг 60 гаруй хувийг хатуу дэд бүтэц эзэлж байгаа. Онцлууштай, амжилттай хэрэгжсэн бүтээн байгуулалтуудын талаар дэлхий даяар шуугьж байна, жишээ нь хамгийн амжилттай хэрэгжиж байгаа Хятад-Пакистаны эдийн засгийн коридор, мөн Хятад-Лаосыг холбосон төмөр зам, Жакарта-Бандунг хурдны галт тэрэг гэх мэт, хамгийн сүүлд Перүгийн Чанкай боомтод хөрөнгө оруулалт хийхээр тохирч байх шиг байна. Зам харилцаа сайжирч, дэлхийн улс орнууд дэд бүтцээрээ холбогдсоноор ганц Хятад улс төдийгүй бүтээн байгуулалтад оролцож байгаа хамтран ажиллагч улс орнуудын эдийн засгийн өсөлт, худалдааны эргэлт сайжирч, улс орнуудын хамтран ажиллах орон зай тэлсэн. Мэдээж тив дамнасан том бүтээн байгуулалт, хэлхээ холбоо бий болсноор Хятад улс дэлхийн худалдаанд голлох үүрэг гүйцэтгэж, маш олон улс орнуудын худалдааны хамгийн тос түнш нь болж таарч байна. Хөрөнгө оруулалтад мэдээж ганцхан дэд бүтэц, зам, төмөр зам гэхээс илүүтэй байгальд ээлтэй ногоон хөгжилд анхаарсан төслүүд мөн тодорхой хувийг эзэлсэн байгаа, ойролцоогоор 22 хувийг эзэлж байгаа гэсэн тоо баримт байна. 2013 оноос нааш 10 жилийн хугацаанд хамтран ажиллагч улс орнуудтай 19 их наяд ам.долларын худалдаа хийсэн гэж байна. Хятад улс төдийгүй дэлхийн хэмжээнд зам харилцааг сайжруулснаар 2030 он гэхэд дэлхийн хэмжээнд 40 сая ард иргэдийг ядуурлаас бууруулна гэсэн тоо баримт явж байна.
2. Бүс ба зам 2040 он гэхэд дэлхийн ДНБ-д
7.1 их наяд ам.долларын хувь нэмэр оруулна
Сэтгүүлч: Бүс ба замын ирэх арван жил, түүнчлэн цаашдын хөгжил, хандлага ямар байх бол?
Т.Чулуун-Эрдэнэ: Сая хэлснээр өнгөрөн 10 жилд ерөнхийдөө хатуу дэд бүтцэд нэлээд их анхаарсан бол судалгаанаас харахад ирэх 10 жилд 2023 оны 9-р сард Хятад улсын дарга Ши Жиньпингийн дэвшүүлсэн шинэ чанарын үйлдвэрлэх хүчин буюу Шинжлэх улаан, технологи, инноваци, ногоон дижитал салбарт түшиглэсэн чиглэл буюу хөтөлбөрийг бүс ба замын хүрээнд хэрэгжүүлэхээр байгаа юм. Хятад улс үүнээ Small and Beautiful гэж оноож байгаа юм, жижиг мөртлөө үзэсгэлэнтэй гэсэн утгатай. Тэгэхээр бүс ба замын хүрээнд хэрэгжих төслүүд нь хэмжээний хувьд арай авсаархан жижигхэн боловч эрчим хүч болоод технологийн салбарт илүү их хөрөнгө оруулж, жишээ нь ногоон хөгжлийг дэмжих төсөлд илүү хөрөнгө оруулах хандлага харагдаж байна. Энэхүү хөрөнгө оруулалтын хэлбэр загвар нь хөгжлийн төвшин дундаж орнуудад түлхүү байх болно хэмээн дэлхийн улс орнуудын судлаачид үзэж байна. Жишээ нь цахилгаан авто машин, зай хураагуурын үйлдвэр, дижитал дэд бүтэц гэх мэт. Би саяхан Фү Дань их сургуулийн “Бүс ба зам-Дэлхийн засаглал” судалгааны хүрээлэн зохион байгуулсан форумд оролцсон, мөн Гүй Яанд зохион байгуулагдсан “Хятад улсыг харья, дэлхийн улс орнуудыг сонсъё” гэх форумд оролцсон. Хоёр арга хэмжээний үндсэн сэдэв нь хоёулаа “Шинэ чанарын үйлдвэрийн хүчин” гэх сэдвийн доор болж өнгөрлөө. Энэ шинэ ухагдахууныг энгийн үгээр хэлэх юм бол шинжлэх ухаан, технологи, инноваци дээр тулгуурлан үйлдвэрлэлийн үр ашгийг нэмэгдүүлж, өндөр чанартай хөгжилд хүрэх юм. Тэгэхээр цаашдаа бүс ба зам нь илүү өндөр чанартай, байгальд ээлтэй, дэлхийн тогтвортой хөгжлийн зорилтод хүрэхэд чиглэсэн хөрөнгө оруулах юм байна. 2023 онд технологид оруулж байгаа хөрөнгө оруулалт 1000 дахин өссөн гэж байгаа. Хятадын эрдэмтдийн үзэж байгаагаар Хятад улс мөн цаашид хөдөө аж ахуйн салбарын шинэчлэл, аж үйлдвэржилт, хамтран ажиллагч улс орнуудын эдийн засгийг солонгоруулах чиглэлд хөрөнгө оруулалт хийх таамаглалтай байна. Хятадын улсын энэ том төсөл санаачилга дэлхийн эдийн засгийн өсөлтөд томоохон хувь нэмэр оруулж байна. Мөн хамтран ажиллагч орнуудад хийсэн зам харилцаа, ногоон байгууламж, ухаалаг хот зэрэг олон төсөл хөтөлбөр хэрэгжүүлсний үр дүнд 2040 он гэхэд дэлхийн ДНБ-д 7.1 их наяд ам.долларын хувь нэмэр оруулна гэсэн судалгааны тоо баримт байна.
3. Монгол улс бүс нутагт үүсээд байгаа томоохон боломжуудыг ашиглах зайлшгүй шаардлагатай
Сэтгүүлч: Бүс ба зам санаачилга дахь Монголын улсын оролцоо хир байна? Цаашдын боломж, орон зай хир их байна?
Т.Чулуун-Эрдэнэ: Монгол улс газар зүйн байршлын хувьд дэлхийтэй холбогдоход нэлээдгүй саад бэрхшээлтэй тулгардаг улс. Хоёр том хөрштэй хиллэдэг, далайд гарцгүй түгжигдмэл, харин бүс ба за бол угаасаа тээврийн томоохон коридорыг түшиглэн урт хугацааны эдийн засгийн тогтвортой хөгжлийн бодлогыг хангаж байгаа ийм санаачилга гэдгийг бид мэднэ. Ийм нөхцөлд Монгол улс хоёр хөрштэйгөө эдийн засгийн интегралчлал, нэгдэлд орж бүс нутагт үүсээд байгаа томоохон боломжуудыг ашиглах зайлшгүй шаардлагатайгаас гадна өөр арга замгүй гэж бодож байна. Тэгэхлээр бүс ба зам санаачилгад нэгдэж орох нь манай улсын хувьд эдийн засгаа цаашид улам хөгжүүлэх томоохон боломжуудыг авчирна. Бүс ба зам санаачилгад Монгол улс нь Монгол, Хятад, Оросын эдийн засгийн коридорын хүрээнд оролцохоор төлөвлөсөн байгаа. 2014 онд гурван улсын төрийн тэргүүн нар эдийн засгийн коридорыг байгуулах зөвшилцөлд хүрч 16 онд коридорыг бүтээн байгуулах төлөвлөгөөнд гарын үсэг зурснаар энэ төсөл эхэлсэн гэж үзэж болно. Тэгэхээр Монгол улс талын зам өөрсдийн бодлогоо үүнтэй уялдуулахаар хэлж амласаар ирсэн. Харин яг бодит байдал дээр хэрэгжилт тийм сайн биш, нэлээд удааширч байгаа гэж үзэж байна. Нийт 32 төслийн хувьд ихэнх хувь буюу 13 нь дэд бүтэцтэй холбоотой, үлдсэн хэсэг нь бусад салбартай холбогдсон байгаа юм. Бүс ба зам цаашид технологи, инноваци, ногоон дижитал хөгжилд тулгуурласан салбарт илүүтэй хөрөнгө оруулалт хийнэ гэж байгаа. Гэтэл манай 32 төслийн дунд Монгол-Оросын цахилгаан эрчим хүчийг шинэчлэхэд Хятад талын аж ахуйн нэгжийн оролцох боломжийг судлах гээд эрчим хүчтэй холбоотой ганцхан төсөл байгаа, ногоон болон дижитал салбарын төсөл байхгүй байгаа нь хангалтгүй байна гэж үзэж байна. Би “Бүс бас зам санаачилга, Монгол улсын оролцоо” гэдэг номын дүгнэлт хэсэгтээ мөн 32 төслийн хэрэгжилт тааруу, удаан байна гэж үзсэн. Үүний тод жишээ нь коридорын хүрээнд гурван тал хэлэлцэж тохироод гурван төслийг нэн тэргүүнд ахиулна гэсэн, үүний нэг нь төсөр замыг шинэчлэн хос замтай болгож, цахилгаанжуулна гэсэн байдаг. Энэ ерөөс хэрэгжиж эхлээгүй байгаа. Мөн олон улсын хурдны замын ажил мөн хэрэгжээгүй, эрчим хүчний сүлжээг шинэчлэх ажил мөн тодорхойгүй байна. Бид нарын маш их найдлага тавьж байсан Сибирийн хүч 2 газ дамжуулах хоолой сүүлийн үеийн мэдээллээр Монголоор биш Казахстанаар дамжих магадлал өндөр болсон байгаа. Монгол улсын дэлхийтэй холбогдох гол гарц бол ерөөсөө хоёр хөрштэй холбогдож байгаа хилийн боомтууд юм. Манай улсын засгийн газрын “Алсын хараа 2050”, Шинэ сэргэлтийн бодлого, хамгийн сүүлийн шинэ засгийн газрын 2024-2028 хүртэлх үйл ажиллагааны төлөвлөгөөний 14 мега төсөл зэрэгт боомтын бүтээн байгуулалтын ажил нэлээд төвлөрч бүтээн байгуулалтын ажил нэлээд ахицтай явах нааштай хандлагатай байна. Боомтын бүтээн байгуулалтыг бүс ба замын хүрээнд оруулж болно гэж би үзэж байна. Монгол улс Гашуунсухайт- Ганцмод, Ханги-Мандал, Шивээхүрэн-Цэхээ гэсэн гурван боомтод хил дамнасан төмөр зам барихаар төлөвлөсөн байгаа. Үүнийг 14 мега төслийн тэргүүн эгнээнд тавьж буй нь Монгол улсын засгийн газар боомтын сэргэлтэд өндөр ач холбогдол өгч байгааг харуулж байна. Сая 11-р сарын 5-нд Монгол улсын ерөнхий сайд Л.Оюун-эрдэнэ БНХАУ-ын төрийн зөвлөлийн ерөнхий сайд Ли Чянтай Шанхай хотод албан ёсны уулзалт хийх үеэр Гашуунсухайт- Ганцмод боомтын хил дамнасан төсөр замын гүүр барих ажлын тухай хоёр орны засгийн газрын хэлэлцээрт гарын үсэг зурсан. Энэ жил дуусвар болсноор боомтуудын нэвтрэх хүчин чадал 2 дахин нэмэгдэж, нүүрсний экспорт 40 сая тонноор нэмэгдэнэ гэж байгаа. Энэ нь нүүрс дээр тогтдог эдийн засагтай, нүүрсний экспортод тулгуурлан амьдардаг улсын хувьд маш чухал төсөл юм. Мөн өнгөрсөн жил Монгол-Хятадын Шивээхүрэн-Цэхээ хил дамнасан төмөр замын бүтээн байгуулалтын ажлын хэсэг байгуулах санамж бичигт гарын үсэг зурсан байгаа. Тэгэхээр ахиц дэвшилтэй төслүүд мэдээж бас байна.
4. Маш их идэвх санаачилга гаргаж, тодорхой цаг хугацаатай, нарийн төлөвлөгөөтэй ажиллах ёстой
Сэтгүүлч: Удаашралтай байгаагийн гол шалтгаан?
Т.Чулуун-Эрдэнэ: Сая Фү Дань их сургуульд болсон форумд оролцох үеэр бүс ба замын тэргүүлэх хэмжээний стратегич, Фү Дань их сургуулийн профессор Хуан Рэньвэйгээс ярилцлага авахад эн тэргүүнд ярьж буй нь Хятад улс Монгол улсыг дэмжинэ, Монгол улс уул уурхайн түүхий бүтээгдэхүүнээ боловсруулж нэмүү өртөг гаргах хэрэгтэй гэж байна. Мөн улс төрийн тогтвортой байдлаа сайн хангах хэрэгтэй байна гэж байгаа юм. Тэгэхээр манай засгийн газар нэгт хэлсэн бол хийсэн байх хэрэгтэй, хийх гэж байгаа зүйлээ маш их төлөвлөгөөтэй, хийх эзэн нь тодорхой байх ёстой юм байна гэж үзэж байна. Мөн тэр хүний ярианаас ухаарсан зүйл маань гэвэл хоёр тал харилцан ашигтай хамтран ажиллахад хоёр улсын хүний нөөц нь ойролцоо төвшинд байх ёстой юм байна. Тийм учраас Монгол улс бүс ба зам санаачилгын хүрээнд холбогдох мэргэжилтнүүдээ маш сайн бэлдэх хэрэгтэй гэж үзэж байна. Бас нэг саад болж байгаа зүйл нь манайд бүс ба зам санаачилгыг яг хэн хариуцаж байгаа нь ойлгомжгүй байгаад оршино. Цаашдын Хятадын чиг хандлага юу бэ гэхлээр Бүс ба замын хүрээнд Өмнөдийн улс орнуудтай түлхүү хамтарч ажиллах юм байна. Монгол улс хэдийгээр дэлхийн хойд бүсэд байгаа хэдий ч хөгжлийн үзүүлэлт, эдийн засагт тулгараад байгаа саад бэрхшээл нь өмнөдийн улс орнуудтай маш адилхан учраас биднийг нь өмнөдийн улс орнуудад хамааруулж байгаа. Тэгэхээр цаашид бол Хятад улсыг харалгүйгээр өөрсдөө маш их идэвх санаачилга гаргаж, тодорхой цаг хугацаатай, нарийн төлөвлөгөөтэй ажиллах ёстой болоод байна. Хятад улс бол маш том гүрэн, дэлхийн хэмжээний асуудлыг өөрийн улс орны бодлоготойгоо уялдуулж байгаа улсын хувьд бидний ашиг сонирхолд нийцүүлэх гэж толгойгоо гашилгахгүй, тэгэхээр бид өөрөө гарч ирж буй боломжуудыг сайн ашиглаж ажиллах хэрэгтэй. Үгүй бол нэгэнт хоцорсон байгаа хөгжил маань улам хоцорно. Тэгэхлээр бид байгальд ээлтэй ногоон эко сэргээгдэх эрчим хүчний салбарын хөгжлийг төмөр зам, боомтын хөгжилтэйгөө эн тэнцүү авч үзээд урагш ахиулах дорвитой төсөл хөтөлбөр санаачлан хамтран ажиллах хэрэгтэй гэж санагдаж байна.
]]> secret0721 Wed, 04 Dec 2024 17:55:11 +0800